«

»

марта 11 2014

Распечатать Запись

1453 год. Духовная Грамота Великой Княгини Софии

1453 год. Духовная Грамота Великой Княгини Софии
9 votes, 5.00 avg. rating (99% score)

герб Гаврилово-Посадского района Ивановской области

Духовная Грамота Великия Княгини Софии, вдовствующей супруги Великого Князя ВАСИЛИЯ ДИМИТРИЕВИЧА:

о разделе, по смерти ея, движимаго и недвижимаго ея имения сыну своему Великому Князю Василию Василиевичу, внукам трем Князю Юрью, Князю Андрею и Князю Борису Василиевичам; и о даче в Архангельской Собор, в Вознесенский девичий и в Троецкий Сергиев монастыри сел и деревень для поминовенья своего — за подписанием Московского Митрополита Ионы. — Писана 1453 года.
документ3

(*) Великая Княгиня София, в монашестве Евфросиния, была дочь Литовскаго Великаго Князя Витовта,  скончалась в Москве 15 июня 1453 года и погребена в Вознесенском монастыре.

Во имя святыя и живоначалныя Троицы Отца и Сына и святого Духа, и по благословенно отца нашего Ионы Митрополита Киевьскаго и всея Руси. Се яз грешная и худая раба Божья Софья пишу сию духовную грамоту, управление чиня о своей души, в своем смысле и в своем разуме. А приказываю………..моему
сыну Великому Князю Василью Васильевичю; а Господин мой сын мой Великий Князь ВАСИЛЕЙ ВАСИЛЬЕВич печа…. ……..А благословляю своего сына Великого Князя, даю ему от святости ящик с мощми, а в нем крест вз….
……….. Витовт; да благословляю его, даю ему, чим мя благословил Господин мой муж мой, Отец его Великий Князь ВАсилЕй ДмитРИЕвичь……по своей духовной
грамоте, и те волости и села моему сыну Великому Князю, оприсно своего прикупа, да оприсно селца Семчиньского и Кжели, в чем есмь волна по Господаря своего жалованью Великого Князя ВАСИЛЬЯ ДмитРИЕвичА. А из Коломеньских сел из своих прикупов даю сыну своему Великому Князю ВАсилью Колычевское село, Николцево село, Липятиньское село, Чюхистово село; а что есмь переже сего дала два свои села Окуловьское да Репиньское……..и те оба села мои сыну же моему Великому Князю ВАсилью, в том волен он, за собою ли их держшит, кого ли ими сам пожалует. А из Юриева даю сыну своему Великому Князю свой же прикуп село Курчевьское, да село Елецкое, да село Варварьское; а за Волгою на Шекстне даю сыну своему Великому Князю свои волости Устъуглу, да стан Веретейку с всеми деревнями и с езы своими с всеми, и со всею рыбною ловлею, и со ВСЕМИ уходы и с пошлинами с ВСЕМИ, и с судом, как было за мною за Великою Княгинею. А сноху свою Великую Княгиню Марию благословляю, даю ей святую икону оковану на мусии святыи; а из сел из своих даю ей на Коломне село Бабышевьское, да Лысцево , да село Ослебятевьское, куплю своее свекрови, чим мя благословила моя свекры Великая Княгини Овдотья; а из прикупов из своих из Коломеньскых сел, на Северьсце Григориево село Наумова, да у Малина Ивановьское село Бункова. А внука своего Великого Князя Ивана благословляю, даю ему святую икону пречистую Богородицю с пеленою; а из сел из своих даю ему свой прикупъ в Володимери, село Григориевьское Олфериева Толбу, да Вижекшю, да Головино. А внука своего Князя Юриа благословляю, даю ему святую икону пречистую Богородицю, болшою икону стенную с пеленою и с убрусцы; а из сел из своих даю ему селце Семчиньское и с Самсоновьскым лугом, да Кжелю, чим мя пожаловал и благословил мой Господарь Великий Князь ВАСИЛЕЙ ДМИТРИЕвичь, и положил на моей воли; а из Московьскых сел даю ему свой прикуп село поповьское Воробиево, и с Семеновьским, и с деревнями, и с всем своим прикупом; да на Похре село Мячково и с Фавустовьским, и с Лодыгинским, и с Федоровым Левонтиева и с Тяжиным, и с рыболовлими деревнями, и с всем с тем, что к тем селом и к деревням потягло, как было за мною за Великою Княгинею. А из Коломенских из своих сел даю внуку своему Князю Юрию свой же прикуп Велино, да Кривцево, да Бронниче, да Чевырево, да Марчюково, да Рожек, да починок у Щелина озера; а из Юриевьскых из своих сел даю ему свой же прикуп Турабьевскии села ВСЕ, оприсно Березников, да Раткова, да Олексина; а то Олексино дала есмь Княгине Ефросинье до ее живота, а Березники и Ратково дала есмь своей сносе Княгине Марье до ееж живота, а по их ЖИВОТЕХ, и те села Олексино и Березники и Ратково внуку же моему Князю Юрию; да даю ему тутож в Юрьеве свой же прикуп свои села Кучку, да Деревенку, да Шадрино; а из Костромскых из своих сел даю ему свой же прикуп село Качаловьское, да село Ушаковьское, да Святое село у….впатья; а из Вологодскых из своих сел даю ему свой же прикуп Масленьские села, да Янгасарьскии села, да Говоровскии села. А внука своего Князя Андрея благословляю, даю ему святую икону святых безсребреник и чюдотворец Козму и Дамиана; а из сел из своих даю ему свой же прикуп Вышелес. А внука своего Князя Бориса благословляю, даю ему святую икону святого Великомученика Феодора Стратилата, выбиту на серебре; а из сел из своих даю ему свой же прикуп на Волоце Белевутовьские села, да Окораковские. А что ся останет которые святости, оприсно того, кого есмь чим благословила, честные кресты и святые иконы, или
мощи святых,  …..в болшемъ в дубовом и в меншем ларчику, и в ящику в болшем и в коробьи, и яз всем тем благословила внука же своего Князя….. А что ся останет у мене моее казны, или какие рухляди моее клетные, какие ни буди, и яз то все даю внуку же своему Князю Юрию; да даю ему двор свой Московьский внутри города Орининьский Семеновы жены Васильевича, и с теми с своими дворци с подолними, что стоят под моим двором на том же Орининьском месте; да и то мое место тутожъ на подоле ему же, где собе поставлял хоромы Степан Обобуров.

Да что ми дал сын мой Князь Великий ВАСИЛЕЙ ВАСИЛЬЕВИЧЬ место дворовое Фоминьское Ивановича, и яз на том на Фоминьском месте поставила житничный двор, да тогож Фоминьского места променила есмь была Ивану Старкову на его куплю, на Степановьский двор Дмитриевича и его детей Григориев и Федоров на подоле, и тот есмь была Степановьский двор и его детей взяла собе, а Ивану есмь была противу того дала того фоминьского места, где собе Иван хоромы поставил, и то свое место подолнее, свою куплю, ведает Иван, а в то ся место в Фоминьское не вступает, знает свои хоромы; а яз то все Фоминьское место и с житничным своим двором дала внуку же своему Князю Юрию. А за городом дала есмь ему Елизаровьский двор и со всем, что к нему потягло, да Ивановьское место конюшего; а на великом посаде Моравьевский двор и с садом, то все емуж. А что взхочет сын мой Князь Великий у своего сына, а  у моего внука, у Князя у Юриа выменити что, села ли, места ли какие, ГДЕ будет ему что пригодно, и он у него выменит, а без обиды.  А что у мене у Великие Княгини колькое людей моих ни есть, и болших и менших, и яз их всех пожаловала, ослободила есмь их всех, по моем животе вси слободни. А что который мои Бояре и дети Боярьские и слуги мои, которыи служили мне  Великой Княгине, и тех всех  Господин мой сын мой   Великий  Князь ВАСилЕЙ ВАсильевичь  жалует  и блюдет как и своих; а яз своего Господина  сына своего Великого Князя о  том и благословляю и челом бью, и Бога молю о нем. А на поминок души своего Господаря  мужа своего Великого Князя ВАСИЛЬЯ ДМИТРИЕВИЧА, и своее свекрови Великие Княгини Овдотьи, и по своей души, и по души сына своего Князя Ивана, даю великому Архангилу Михаилу к сборной церкви ……ща село свое Баню. А к святому Взнесенью в манастырь даю село свое Дореньское, да внутри города дворъ свой……вьское место, что есмь взяла у Ивана у Старкова. А к святей и живоначалней Троици в Сергиев манастырь даю села Кинельские , Чечевкино, да Слотино, и иныи все свои села Кинельские, оприсно тех ВСЕХ пустошей , что ми был к тем моим селом дал волостныи пустоши сын мой Великий Князь; в  те ся пустоши   Игумен с братьею не вступают, да оприсно и суда, суд Княж…….А даю те свои села  к тем Божиим церквам со всемъ с своимъ, как было за мною за Великою Княгинею, и с хлебом со всем и с животиною, да с половиною изделного серебра, что на людех; а  половину изделного серебра велела  есмь христианом серебреником отдавати, оприсно и страдников, страдники пойдутъ на слободу. А что есмь который села свои подавала своему  сыну Великому  Князю ВАСилью, и своей сносе Великой Княгине Марье, и своим внучатом, и яз им те села подавала по томуж с половиною изделного серебра и с животиною, да с хлебом с тем, который в земли; а другую а  половину изделного серебра велела  есмь христианом серебреником отдавати, оприсно и страдников, страдники пойдутъ на слободу. А о всем положила есмь на своем Господине  на своем сыну на Великом Князи, о том своем серебре приказала есмь ему то учинити по обыску: кто будет от тех изделников охудел, а и половины того изделного серебра заплатити не взможет, и сын мой Великий Князь тому велит отдати за мою душю все изделное серебро; а который будет изделный серебреник изможен в ЖИВОТЕ, а не охудел , взможет заплатити и все серебро, и на том сынъ мой Великий Князь велит все изделное серебро взяти; то учинит сын мой Великий Князь своего ради спасения а и за мою душю по обыску……..А что будет в тех в моих селех в всех хлеба стоячего на поли ржи и яри, оприсно семен ярных, и сын мой Великий Князь ВАсилЕй ВАСИЛЬЕВИЧЬ ТОТ хлеб стоячий весь велит попродати, да серебро роздаст по моей души. А кто сию мою духовную грамоту в чем порушит, и тот даст ответ праведному Судье всех Владыце Господу Богу. А у сее моее духовныи грамоты были священники: Спасьский Архимандрит Трифон, Симоновьский Архимандрит Геронтий, отец мой духовный Архимандрит Феодосий; а духовную грамоту писал Митрополичь дьяк Ярлык.
На подлинной подписано: СМИРЕНЫ ИОАНА АРХИЕП. KИЕ. ВСЕЯ Руси.
К  сей Грамоте, в которой по обоим краям  многих недостает слов, привешены на шелковых снурках две восковыя печати:
документ3-2

источник: “Собрание государственныхъ грамотъ и договоровъ, хранящихся в Государственной Коллегии иностранныхъ делъ”, г.Москва, в типографии Н.С. Всеволожскаго, 1813 год.

Орфография и стиль сохранены, с адаптацией к современному правописанию. Документ подготовил к публикации В.Е. Махалов.

Упоминание: Березники (Березницы)

 

Постоянная ссылка на это сообщение: http://gavposad-kraeved.ru/1453-god-duxovnaya-gramota-velikoj-knyagini-sofii/

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.