«

»

марта 11 2014

Распечатать Запись

1445 год, 7 июня. Докончание князя галицкого Дмитрия Юрьевича с князьями суздальскими

1445 год, 7 июня. Докончание князя галицкого Дмитрия Юрьевича с князьями суздальскими
4 votes, 5.00 avg. rating (99% score)

Логотип сайтагерб Гаврилово-Посадского района Ивановской области

1445 год, июня 7 – ноября 17. Докончание князя галицкого Дмитрия Юрьевича с князьями суздальскими Василием Юрьевичем и Федором Юрьевичем (упоминаются Шекшово и Шипова слободка)
документ4

Грамота князей Василия Юрьевича и Федора Юрьевича князю Дмитрию Юрьевичу.
Божьею милостию и пречистое его богоматери, на сем на всем, господин наш, князь Дмитрий Юриевич, целуй к нам крест, ко мне, ко князю Василью Юриевичю, и к моему брату молодшому, ко князю Федору Юриевичю.
Держати ти нас собе, меня, князя Василья Юриевича, собе сыном, а брата моего молодшего, князя Фeдоpa Юриевича, держати ти его собе братаничем. А сыну ти, господине, своему, князю Ивану Дмитриевичю, держати меня,князя Василья Юриевича, братом ровным. А меня ти, господине, князя  Федора Юриевича, держати сыну своему, князю Ивану, братом молодшим. А нам тебя, своего господина, держати мне, князю Василью Юриевичю господином и отцем, а сына твоего, князя  Ивана Дмитриевича, держати ми его собе братом ровным, а мне, князю Федору Юриевичю, держати ми тебя собе господином и дядею, а сына ми твоего, господине, князя Ивана Дмитриевича держати ми его собе братом старешим. А добра ти нам, господине, и твоему сыну хотети во всем, везде, в Орде и на Руси. А нам, господине, тобе и твоему сыну, князю Ивану, добра хотети во всем, везде, в Орде и на Руси.

А в прадедину нашю, и в дедину, и в отчину, в Суздаль, в Новгород, в Городец, и в Вятку, и во всю пятетем Новгородскую, тобе, господину нашему, князю Дмитрию Юриевичю, и твоему сыну, князю Ивану, не вступатися ничим. А того ти, господине, и твоему сыну, князю Ивану, под нами не подзирати, блюсти, а не обидети, и под нашими детми, по крестному целованью.
А Орда нам, господине, знати собою.
А По моем животе тобе, моему господину, князю Дмитрию Юриевичю, и твоему сыну под моим братом молодшим, под князем Федором, так жо и не подзирати нашие отчины, блюсти, а не обидети.
А что еси был, господин наш, князь Дмитрий Юриевич, отступился своему брату, князю Ивану Андреевичю, нашие отчины Суздаля, и тобе ныне тое нашие отчины Суздаля своему брату, князю Ивану, не дати. А которыми си делы брат твои, князь Иван, имется в нашю отчину вступати, и тобе нас от него боронити, а за нас ти стояти.
А жити ти, господине, и твоему сыну с нами, как жил твой дед, князь великий Дмитрий Иванович, с нашим прадедом, с великим князем с Дмитрием Костянтиновичем, по старине и по доконьчанью.
А кто будет, господине, тобе, князю Дмитрию Юриевичю, и твоему сыну друг, то и нам друг. А кто будет, господине, тобе и твоему сыну недруг, то и нам недруг. А кто будет, господине, нам друг, то и тобе и твоему сыну друг. А кто будет, господине, нам недруг, то и тобе и твоему сыну недруг. И тобе, нашему господину, от того нашего недруга нас боронити. А что нам, господине, слышев о твоем добре или о лисе, и о твоего сына добре или о лисе от кого бы ни было, и нам то, господине, тобе поведати в правду, без хитрости, по крестному целованью. A тобе, господину нашему, и твоему сыну что слышов о нашом дoбре или о лисе от кого бы ни было, и тобе то, господине, и твоему сыну нам повъдати в правду, без хитрости, по крестному целованью. А лучится, господине, тобе и твоему сыну каньчивати с великим князем Василием Васильевичем, или с его братьею молодшою, или с его детми, и тобе, нашему господину, и твоему сыну без нас не каньчивати. А нам, господине, без тебя и без твоего сына с ними не каньчивати.
А что, господине, в нашо неверемя ваши князи служилые и ваши бояре покупили в нашой отчине в Суздале оу нас, и оу нашие братьи, и оу наших бояр, и оу манастырей волости и села, или в Новгороди, и на Городце, или что князь великий подавал в куплю, и грамоты свои подавал купленые, ино те все купли не в куплю, а те все волости и села нам по старине и нашим бояром. А тобе, господину нашему, князю Дмитрию Юриевичю и вашим князем, и вашим бояром в те волости и в села не вступатися.
А что, господине, брат твой, князь Иван Андреевич, держа за собою отчину нашю Суздаль, ин дал святой Троице, село нашо оуделное Шухобалово, а другое село нашо оуделное жо продал своему боярину Петру, слободку Шиповьскую, а оу княгини оу Марьи купил собе князь Иван село Шокшовъ, ино, господине, те села нам по старине. А что будет на Шокшове дал, ино, господине, возмет свою цену по крестному целованыо, что будет на нелм дал. А что, господине, князь великий, отъимал оу нас без пошлины села да подавал святому Рождеству в манастырь в Володимир, и те села нам по старине, как было при нашом прадеде при великом князи Дмитрие Костянтиновиче, а десятое манастырю по старине.

А вашему, господине, великому княженью с нашею прадединою, и дединою, и отчиною суд по старине. A о обидных делех тобе, господине, отслати судей опчих, а нам, господине, отслати своих судей, ини тому исправу оучинят. А чего наши судьи не оузнают, ино им трети ты, господин наш, князь Дмитрий Юриевич, до отца твоего до митрополита.
А коли, господине, всядешь на конь, и нам, господине, с тобою всести на конь со всеми людми. А где, господине, пошлешь своего сына, и мне, господине, с твоим сыном послати своего брата или своего сына со всеми людми.
А бояром, и детем боярским, и слугам межи нас волным воля. А кто имет жити в вашей отчине, в великом княженье, а имет служити нам, и тобе их, господине, и твоему сыну блюсти, как и своих. А кто иметъ жити оу нас, а имут служити тобе, князю Дмитрию Юриевичю, и твоему сыну, и нам их, господине, блюсти, как и своих.
А приставов ти в нашю отчину не всылати, ни твоему сыну, ни закладнеи ти в нашой отчине не держати. А так жо и нам в твоем великом княженье закладней не держати.
А ис чего где, господин наш, выступишь, и нам тобе о том помянути, и тобе ся того обыскати, а тобе нас жаловати. А где мы ис чего выступим, и тобе, господину нашему, велети нам взвестити, и нам тобе челом бити, а тобе нас жаловати, а за то не сложити.
А что будем где грабили, и наши бояре, и наши люди в твоей отчине, в великом княженье, ино тому всему дерть по та места, како жо даст ти бог, велит достати своее отчины, великого княженья. А суженого не посужати. А суженое, даное, положеное, заемное, кабалное, поручное дати по исправе. А холопу, робе от века суд.
А на сем на всем, господин наш, князь Дмитрий Юриевич, целуй к нам крест, ко князю Василью Юриевичю и ко князю Федору Юриевичю, по любви, в правду.
Помета на обороте: Грамота докончальная великого князя Дмитрея Юрьевича з братьею, со князем Васильем да со князем Федором Юрьевичи.
На лицевой стороне грамоты приложена черновосковая печать князя Дмитрия Юрьевича.
Основание для датировки: на печати Дмитрий Юрьевич назван великим князем, так же его называет помета на обороте грамоты, но в тексте в качестве великого князя выступает Василий Васильевич, а Дмитрий Юрьевич именуется просто князем; слова “како же даст ти бог, велит достати своее отчины, великого княженья” указывают на то, что Дмитрий Юрьевич не прекратил своих домогательств в отношении великокняжеского стола. Все это ведет к периоду, когда Василий Васильевич находился в татарском плену (1445 г. июля 7—ноября 17). Подлинник — ЦГАДА, Гос. древлехранилище, отд. I, рубр.11, № 25. Список второй половины XV в. — там же.

Источник: “Духовные и договорные грамоты великих и удельных князей.” Издательство Академии Наук СССР, Москва, 1950 год.

Орфография и стиль сохранены, с адаптацией к современному правописанию. Документ подготовил к публикации В.Е. Махалов.

Упоминание: Шекшово, Шипово – Слободка.

 

 

Постоянная ссылка на это сообщение: http://gavposad-kraeved.ru/1445-god-7-iyunya-dokonchanie-knyazya-galickogo-dmitriya-yurevicha-s-knyazyami-suzdalskimi/

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.